هوي للبيع
وسعر القلب مش غالي
رخيص جدا
برخص ترابه لو غالي
يا شاري النبض ايه جواه
حنان قسوه و مليون اه
لا اخلاصه بيزرع زرع
ولا يروى لارضي حياه
و يحضن في السما قمره
رسول لكن حبيبه جفاه
وصاب القلب في مواجع
حياة عاشق وريد واجع
يفارق حلمه لو راجع
سلام يرسم وجع يلقاه
سعاده وضحكه لون الزيف
ويوم منحوس. لجرحي يضيف
عاشق روحه بقلب حبيب
شايفها الدنيا ف لوحه
يحني بالعيون ورده
اسامي بحلمها غفوه
حكايه ليلها م القسوه
اخلي القلب لو يقسي
يعدي الكره.
بحس بروحي و فؤادي
طفولتي السمره يا بلادي
بتشكيلك حكايتنا
ادلل شوقها بعيونه
صغيره واهلي ظلموني
بداري عيوني بكف اللمس
واللهفه
وحلمي معاه حقيقي بجد
مش نزوه
لا عمر فراقنا هيجمعنا
وعارفه مصيري لو هابعد
دعا فصلاتي راح يسجد
يقولو حبيبي لو تطلب
اكون مسكن لدنيا معاه
ولو اخرة حنيني النار
هاشوف الجنه جوه هواه
بحلم يتوه ف التنهيده
يحن لصوتي يشتاقلي
بدندن اه وعيني تلم في
مشاكلي
ما انا الغالي بيرخص لي
لكن في هواه
وريدي يهد في مفاصلي
كانك جوه وطني حدود
يسوع عدرا نجوم شكلي
ودعوة موسي في محافلي
حبيبي غصب عني بدوب
لا انا العدرا ولا اسيا
ولا قلبي ف يوم ايوب
ده نبره صوتي لو ناسيه
هتسمعلك وحشتيني
بتقولها وحضنك خايف الكلمه
ده يونس جوه بطن الحوت
بيدعي يا خالق الحكمه
انا قلبي خلاص بيموت
راضي بحبي في القسمه
يا رب يا عالي يا قهار
أذللت نفسي لعشق يدميني
وطلبت رحمتك والغفران
بسجد والدعوه ليه بتكون
يجمعه بحبيبته منين متكون
والدموع ترسم احلام بتكسر
بالضلوع
تلومني ع الام بصنعها مع كل
صلاه
بس كالعاده هحبه ودعوتي له
بحياتي عباده
بقلمي/ساميه علي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.