أسف
شقشق صباح دفي القلوب
دمعة صلاتي بيها تايب
يا رب توبه م الذنوب
نفسي اكون وسط الحبايب
موجوع يا قلب مننا
نفسك في رحمة ربنا
بس الرسول شفعنا لنا
فيارب قدر لي اللي غايب
سامحيني يا امي لو قسيت
ساجد لربي في كل بيت
يمكن اعود مطرح ما جيت
طاهر بدعوة طفل تايب
يا خالق الإنسان
ومنزل القرأن
ارحم ضعيف حيران
و التوبة من قلبه
خايف يعيش يا زمان
بالذنب من بعده
مسكاني مليون يد
بتشدني لهلاك
ابويا كان المد
طيب بروحه ملاك
يادمع ليه بتهد
ذكرى امل وياك
فكراه بتفاصيلي
لما يغنيلي
وانا طفله يحيكلي
حدوته م الحكايات
والصبح يديني
مصروف بجوز جنهات
ياما كان بيدعيلي
بالدعوة في الصلوات
فكراه يا بيت عمري
والضحكه من غيطه
لما يزيد غلطي
تهويشه من سوطه
لكن ما يضربني
فكراك يا بيت الخير
واخواتي يوم العيد
ادن اذان الطير
بحكي الوجع ويزيد
جانا جواب م الجيش
قالو اخوكي شهيد
بالجنه روحه تعيش
وغيره ماليش
اله الكون في شكوتنا
عشان متوهش سكتنا
وترجع تاني خطوتنا
في نور الله
كفايه رقصه في الوحله
واعاكس بنت بالكحله
وليه في ذنبنا يحلي
أذية ناس
بعيش جايز بلا احساس
وكدبي في بنات الناس
كاني في الذنوب نخاس
بمية كراس
ولا نخوة جدع فيا
وكنت شمال بلا غية
ماشي طايخ ف خلق الله
شيطان سارح وذنبه معاه
وشيخ يقابلني ينصحني
اقول ساذج كلام معناه
وبانسي معاه
كلام يمكن يكون للخوف
ولا مرة بقيت مكسوف
ابالسه فوق كتافي الوف
ومين يقدر بنفسه هداه
لكن في دقيقه زاد همي
وعاش بالدمعه من دمي
اسف سامحيني يا امي
عشان ابنك وقع بخطاه
وناسي لما قولتلي
تراعي الزرعه ف ارضك
وتاخد رزق من كدك
لكن في الدنيا ايه هدك
غير الذنب اللي غواه
وجيت لك اشتكي همي
هوان القلب من بدمي
بحضنك فيا بتضمي
ماانا فجأة بقيت عيان
وتجرى تجيبي في دكاتره
ودمعه في العيون ذاكره
وحامده ربنا وشاكره
علي الدعوه بوقت صلاه
وتدعي ربي يشفيني
وكف ايديكي يرقييني
ومهما نسيت ما تنسيني
ده قلب الام يا اهل الله
تقولى يارب طمني
علي ابني وتجبرني
وتبكي الدمعه في النني
علي وجعي تقولى الاه
ويد الطب فوق قلبي
يقولك دعوتك طلبي
وبشرة بسمة مز تعبي
يقول ابنك دعاكي شفاه
لقيتك ساجده بتصلي
اجابه دعوة بتخلي
عياط القلب ما يخلي
حنين ضمه يلبي دعاه
خلاص يا امايا مش هرجع
لذنب التوهه ولا هاخدع
كفايه في عمرنا نضيع
علي وهمي بذنب جناه
وبكره تشوفي ف صلاتي
طريق الخير في دعواتي
ودمع التوبه ف سكاتي
يقول الرحمه يا الله
ساميه علي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.