خدنى معاك
مكانك ف العين والننى
مافيش ف الكون حد شاغلنى
وحياتك لو تبعد عنى
حلفتك لتاخدنى معاك
بعدك عنى يا ناس جننى
أنا بغرق على شط هواك
لو بحرك كان لى الدوامه
راح اجدف واشبط ف حماك
و افرد روحى شراع لشراعك
مطرح ماطروح انا سبقاك
خدنى معاك
خدنى معاك وامسك ف كفوفى
كل امان الدنيا معاك
خدنى. . انسى عذابى وخوفى
رسينى على شط هواك
لو شطك كان لى المرسى
راح اعدى بحورى للقاك
واشدحنينى على توبك
واجدف برموشى وراك
خدنى معاك
خدنى معاك واسكن فى عيونى
وف قلب حنانك خبينى
عقلى بيشاكس فى جنونى
وأنا محتارة معاه ومعاك
خدنى معاك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.