سجنك جنة
شعر عامية مصرية بقلم /محمد على عاشور
أما تكون مسجون جواك
ارسم وردة و شجرة هناك
ازرع نخلك
عيش حواليك
ارسم شمسك
نور قمرك
و ازرع غابة
نونو جميلة
و أطلق فيها غزال افكارك
سيبك من غزلان الدنيا
لأن معاها عذابك كله
اما غزالك انت لوحدك
مهما هيبعد
برده هيرجع
و ارسم بحرك
و اعمل شط لبحرك انت
افرد رملك على شطينك.
تلقى طيور النورس جايه
يبنى عشوشها من حواليك
و أفضل كده مسجون جواك
عللى جدار السجن بتاعك
سجنك ملكك
اوعى تسببه
اوعى تفكر يوم تتحرر
خليك قيس
و اخلق ليك ليلى
و كون لها عاشق
عيش وياها حياة أبدية
و اهدم نارك انت بايدك
و للا اقولك
إكسر سجنك
حرر روحك من سجانك
و اعمل جنة و عيش فى قصورها
تلقى الدنيا بتضحك ليك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.