( عجبي )
عيني على رجال
اشكال ومش هيبة
والفعل كما النسوان
بأفعالهم الشينة
والزينة لما تبص
بتبص على راجل
وفي زمن مقلوب
الفعل ده نادر
تلاقي اللي له كلمة
والكلمة بيحسبها
وبميزان الدهب موزون
مش بالهدوم موزون
الراجل الحر كنز
يتشال على الروس
من حسن أفعاله
ومش كل من قال كلام
يصير في الكلام قوال
حكمه وقالوها الكبار
أسند على راجل
وابعد عن الندل
الندل فعله شين
وحالنا مش حاله
لا تمشي معاه في يوم
والا عمره هيصون سر
الراجل الحر
الكل عارفينو
في الشده راجل جدع
والكل شاهدينو
كلمتنا كما السيف
فوق العقود بعقود
والندل وصفه واطي
لكن الاصيل معهود
أبو رامي الاسواني
١٠/١/٢٠٢٠
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.