سنة جديدة سعيدة
=============
سنة مرت بحلوها ومرها
سنة زادت على عمرنا
سنة مرت كأنها سنين كتير
ناس فارقت وناس هاجرت
ناس نسيونا وناس جرحونا
وناس فى القلب لسه ساكنين
فرحنا معاهم وكأننا
مازلنا أطفال فى يوم العيد
إياك تفرح أو حتى تحزن
دا مجرد سنين وأيام وساعات
علينا بتمر بتاخد من العمر
مش ضامنين نعيد عيد جديد
حنفضل خايفين من بكره
طول مايكون فى أمة
ناسها جاهلين وأميين
الأم حزينة والأب شقيان
تعبان صبح وليل شغال
الجاى اقل من الرايح
الفقير بينعى حظه
والرغيف أمنية حياته
سكنه رصيف
ولحافه همه وغطاه غمه
بينعى حاله والكل عامل
مش سامع ولاشايف
العيد عندك وعنده
وعند الهانم مامته
وناس عندهم العيد
اسطورة المجانين
مش قادرة أقول غير
يارب يجعل السنة الجاية
عليكم وعلينا سعيدة
نحقق أحلامنا وأمنياتنا
البعيدة والمستحيلة
سنة مافى فيها أحزان
ولاأوجاع سنة فيها أفراح
نمحى فيها الجراح
صحوة ضمير
سنة حنتولد فيها من جديد
بحب بعشق بصفاء نفس
نتواصل نتصالح
ننسى كل الخصام
ونبدأ مع بعض من جديد
بقلم / حنان سلام ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.